विराटनगरमा गुड्छन् १० हजारभन्दा बढी इ–रिक्सा, दर्ता दुई हजारमात्रै

विराटनगर । विराटनगर महानगरपालिकाको बजार क्षेत्रमा तीनपाङ्ग्रे सवारी साधन (इ–रिक्सा, अटोलगायत)का कारण ट्राफिक व्यवस्थापन कमजोर भएपछि महानगरले नयाँ कार्यविधि कार्यान्वयनमा ल्याएको छ । फागुन १ गतेदेखि कार्यान्वयनमा ल्याएको ‘विराटनगर यातायात व्यवस्थापन कार्यविधि २०८०’ ले मुख्य राजमार्ग क्षेत्रमा तीन पाङ्ग्रे सवारी साधनलाई गुड्न बन्देज लगाएको छ भने विराटनगरमा दर्ता भएका बाहेकका त्यस्ता सवारी साधनलाई प्रवेश नदिने भएको छ ।

विराटनगर महानगरपालिकामा इ–रिक्सा मात्रै २ हजारको हाराहारीमा दर्ता भएका छन् । तर, बजारमा १० हजार बढी त्यस्ता (इ–रिक्सा र अटो) सवारी साधन गुड्ने गरेको महानगर प्रहरी प्रमुख राजन पौडेलले बताए ।