कांग्रेसमा कम्युनिस्ट शासन: आफूलाई प्रधानमन्त्री बनाएको दललाई जिताउन रुखमा बन्चरो हान्दै देउवा

काठमाडौँ: नेपाली कांग्रेसका सभापति एवं प्रधानमन्त्री शेरबहादुर देउवाको पछिल्लो कदम हेर्ने हो भने उनी कम्युनिस्ट तानाशाहभन्दा पनि कडा देखिन थालेका छन्। आफूलाई प्रधानमन्त्री बनाएको दलका नेता कार्यकर्ता जोगाउन आफ्नै पार्टी कांग्रेसका कार्यकर्तालाई धमाधम अनुशासनको बन्चरो हान्न थालेका छन् देउवाले।

महाधिवेशनबाट रन्किएका देउवाले आफ्नै गृह जिल्लाबाट कारबाही थाले। सुदूरपश्चिमका प्रदेश सदस्यसमेत रहेका कर्ण मल्ललाई साधारण सदस्यसमेत नरहने गरी देउवाले कारबाही गरिसकेका छन्। पार्टीमा पेलिएपछि मल्लले कांग्रेस बीपीबाट एमालेसँग चुनावी तालमेल गरेर जाने निर्णय गरे। त्यसैको दण्ड दिन अनुशासनको कारबाही चलाए देउवाले।