राष्ट्रिय पार्टी बन्न नसकेको आरोप–प्रत्यारोपमै बित्यो नेकपा एसको चार दिने बैठक, ठोस निर्णय आएन

आम निर्वाचनमा थ्रेसहोल्ड कटाउन नसके पनि चुपचापै बसेको नेकपा एकीकृत समाजवादीले नयाँ सरकारबारे धारणा बनाउन गत शनिबार स्थायी कमिटी बैठक बोलाएका थियो ।

कांग्रेस नेतृत्वको गठबन्धन भत्किएर एमाले–माओवादी केन्द्रले बनाएको नयाँ सत्ता समिकरणबारे स्थायी कमिटीले कुनै निर्णय लिन सकेन् । उल्टै पार्टीभित्र सुषुप्त अवस्थामा रहेको विवाद छताछुल्ल हुन पुग्यो । माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारलाई समर्थन दिएर सरकारमा जाने वा विपक्षमा बस्ने भन्नेमा नेतृत्व विभाजित भए । पार्टीमा बलियो पकड रहेको सम्मानित नेता झलनाथ खनाल समूह तत्कालै समर्थन गर्ने पक्षमा देखिएन ।