चार्ल्स शोभराजलाई आज अध्यागमनलाई बुझाइने, स्वदेश फिर्ता गर्ने तयारी

सर्वोच्च अदालतको आदेशपछि नेपालमा १९ वर्षदेखि कारागार जीवन विताएका चार्ल्स शोभराजलाई आज अध्यागमनलाई बुझाएर प्रक्रियाअनुसार स्वदेश पठाउने तयारी गरिएको छ । अदालतको आदेशपछि उनलाई आज बिहान अध्यागमनमा बुझाउने तयारी भइरहेको केन्द्रीय कारागारका जेलर ईश्वरीप्रसाद पाण्डेले बताए।

“सर्वोच्च अदालतको आदेश अनुसार हामीले अध्यागमनलाई बुझाउने तयारी गरेका छौँ । अदालतबाट कागजात प्राप्त हुँदा समय लागेकाले शुक्रबार विहान अध्यागमनलाई बुझाउछौँ” पाण्डेले भने। अध्यागमन विभागले बुझिसकेपछि स्वदेश पठाउने प्रक्रिया शुरु हुने उनले बताए ।