भक्तपुरमा दैनिक आर्थिक अपराधका घटना बढ्दो

भक्तपुरमा दैनिक आर्थिक अपराध हुने गरेको देखिएको छ । असोज एक महिनामा मात्रै जिल्लामा आर्थिक अपराधका ७५ वटा घटना दर्ता भएको जिल्ला प्रहरी परिसर भक्तपुरले जनाएको छ । त्यस अन्तर्गत पनि बैंकिङ कसुरका बढी देखिएको छ । आर्थिक अपराधका कुल ७५ वटा मुद्दा दर्ता भएकोमा बैंकिङ कसुरका मात्रै ६५ वटा रहेका छन् । बाँकी १० वटा भने ठगीका रहेका छन् ।

परिसरका सूचना अधिकारी दीपककुमार कार्कीका अनुसार जिल्लामा एक महिनामा दुर्घटनामा परी ६ जनाको मृत्यु भएको छ । घटनामा परी १९ जना घाइते भएका छन् ।