स्पेन र बेल्जियमबिचको बहुप्रतीक्षित क्वार्टरफाइनल खेल सुरु

काठमाडौँ । फिफा विश्वकप २०२६ अन्तर्गत सेमिफाइनल यात्राका लागि स्पेन र बेल्जियमबिचको बहुप्रतीक्षित क्वार्टरफाइनल खेल लस एन्जलसमा सुरु भएको छ। नेपाली समय अनुसार शनिबार बहिान १२ः४५ बजे लस एन्जलस स्टेडियममा सुरु भएको यस खेलमा दुवै टोली जितको लक्ष्यसहित मैदान उत्रिएका छन् ।

विश्वकपको इतिहासमा यी दुई टोलीबिचको भिडन्त निकै प्रतिस्पर्धात्मक र सन्तुलित रहँदै आएको छ । हालसम्म विश्वकपको मञ्चमा भएका दुई भेटमा दुवै टोलीले समान १–१ जित हासिल गरेका छन् । सन् १९८६ को क्वार्टरफाइनलमा खेल अतिरिक्त समयसम्म १–१ को बराबरीमा सकिएपछि बेल्जियमले पेनाल्टी सुटआउटमा ५–४ को जित निकाल्दै अघिल्लो चरणको यात्रा तय गरेको थियो । त्यसको चार वर्षपछि, सन् १९९० को समूह चरणमा भने स्पेनले बेल्जियमलाई २–१ ले पराजित गर्दै अघिल्लो हारको बदला लिएको थियो ।