फाइनलमा पराजित भएपछि प्रशिक्षक थापाको राजीनामा, तीन खेलाडीको सन्यास

काठमाडौं– त्रिपुरेश्वरस्थित दशरथ रङ्गशालामा सोमबार साँझ सम्पन्न छैटौं संस्करणको महिला साफ च्याम्पियनशिप फुटबल प्रतियोगितामा नेपाल उपविजेता बनेपछि मुख्य प्रशिक्षक कुमार थापाले राजीनामा दिएका छन् ।

फाइनल खेलमा नेपाल बङ्गलादेशसँग ३–१ गोलअन्तरले पराजित भएपछि नेपाली राष्ट्रिय फुटबल टोलीका मुख्य प्रशिक्षक थापाले आफ्नो पद छाड्ने घोषणा गरेका हुन् ।