एमालेका वरिष्ठ उपाध्यक्ष पोखरेल पराजित

काठमाडौँ — एमालेको दोस्रो वरीयतामा रहेका वरिष्ठ उपाध्यक्ष ईश्वर पोखरेल कांग्रेसका युवा नेता प्रदीप पौडेलसँग ५ हजार ६२ मतले पराजित भएका छन् । पौडेलले १५ हजार २ सय ३७ मत प्राप्त गर्दा पोखरेलले १० हजार १ सय ७५ मत मात्रै ल्याए । पौडेल काठमाडौं–५ बाट चुनाव लड्ने निर्णय मनोनयनको एक दिनअघि मात्रै कांग्रेसले गरेको थियो ।

६ महिनाअघि मात्रै भएको स्थानीय तह चुनावमा सत्तारूढ दलहरूको गठबन्धनका बाबजुत एमालेले सो क्षेत्रमा राम्रो प्रदर्शन गरेको थियो । स्थानीय चुनावमा वडाध्यक्षहरूले पाएको मताधारमा पनि यो निर्वाचन क्षेत्रमा एमाले मजबुत अवस्थामा थियो ।