कास्कीका यी मतदाता जो रवि र घण्टी चिन्छन्, उम्मेदवार चिन्दैनन्

असार ७ अघिसम्म सञ्चार कर्ममा रहेका रवि लामिछाने आसन्न प्रतिनिधिसभा निर्वाचनमा चितवन–२ बाट उम्मेदवार छन् । असार ७ गते राष्ट्रिय स्वतन्त्र पार्टीको घोषणा भएपछि निर्वाचन आयोगमा असार १७ गते पार्टी दर्ता गरेका उनले लगत्तै देशभर पार्टी विस्तार अभियान थाले । मङ्सिर ४ गते हुने निर्वाचनमा उनको पार्टीले देशका विभिन्न निर्वाचन क्षेत्रमा उम्मेदवार उठाएको छ ।

कुनै बेला जनताका समस्यालाई मुद्दा बनाएर राजनीतिक दल र तिनका नेता, कार्यकर्तालाई प्रश्न सोध्ने रवि अब आफै काम गर्ने र उत्तर दिने ठाउँमा पुग्न चाहन्छन् । जनताका समस्या हल गर्न उनी आफै सांसद बन्ने होडमा छन् ।