विधान कार्यान्वयनका लागि कानुन बनाउन सरकारलाई कसले रोक्यो ?

काठमाडौँ । आगामी असोज ३ गते संघीय संविधान जारी भएको ७ वर्ष पूरा भइ आठौँ वर्षमा प्रवेश गर्दैछ । २०६२-६३ को दोस्रो जनआन्दोलनले केन्द्रीकृत राज्यसत्ता ढालेपश्चात् संविधानसभा मार्फत भाग ३५, धारा ३०८ र अनुसूची ९ सहित २०७२ असोज ३ गते नयाँ संविधान जारी भएको थियो । तर संविधान जारी भएको लामो समय बितिसक्दासमेत संविधान कार्यान्वयन सम्बन्धी अत्यावश्यक कानुन अझै बन्न सकेको छैन ।

कानुन अभावकै कारण संविधानमा उल्लेखित मौलिक हक अधिकार प्रयोग गर्न नपाएको आम नागरिको गुनासो छ । संघीय संविधान जारी भएपश्चात् ६ वटा सरकार बनिसकेको छ । दुई-दुई पटक प्रतिनिधिसभा, प्रदेशसभा र स्थानीय तहको निर्वाचन भइसकेको छ । तर सरकारले बिजनेस दिन नसक्दा प्रतिनिधिसभा र राष्ट्रिय सभा कामविहीन अवस्थामा पुगेको छ । यसैबिचमा दुई-दुई पटक संसद विघटन भयो । यद्यपि सर्वोच्च अदालतले दुवै पटक संसद पुनर्स्थापना ग¥यो ।