सडक दुर्घटना : अब सबै जिम्मेवार बन्ने बेला भएन र?

रोड ट्राफीक एक्सीडेन्ट अस्पतालको आकस्मिक वार्डमा आउने केशहरुमध्ये दोहोरिरहने केश हो। सामान्य अर्थमा सडक दुर्घटनामा घाइते भएका व्यक्ति बिरामी भई आउनु हो्र दुर्घटनामा परेका प्रायलाई तत्कालै उपचार चाहिने भएको हुनाले इमरजेन्सी वार्डमा बिरामी आउने गर्छन्। बिरामीको अवस्था हेरेर चिकित्सकको टोलीले भर्ना, रिफर, डिस्चार्ज गर्ने गर्छन। आरटीए भीटामिन, ड्रग, रियाक्सन हर्मोनल इम्ब्यालेन्स, खानपानको गडबडी ले गर्दा लाग्ने रोग होईन्र यो भावितवी रुपले हुने आकस्मिक दुर्घटना हो यसको प्रकृति फेल इन्जुरी, कट इन्जुरीसँग बढी मिल्दो जुल्दो भएको हुनाले निदानमा सडक दुर्घटना लेख्ने चलनमा कमि रहेको पाईन्छ्र ढड्डामा जे लेखे पनि बिरामीले गुणस्तरीय स्वास्थ्य सेवाको अनुभूति गर्न पाए बिरामी र चिकित्सकको लागि यसभन्दा खुसीको क्षण के नै होला।

तर यसको न्युनिकारणको लागि त यसको सूचना र तथ्यांक सहि रुपमा आउन जरुरी देखिन्छ्र स्वास्थ सेवा विभागको आव २०७७/७८ को वार्षिक प्रतिवेदन अनुसार देशको सबैभन्दा बढी १० निदानमध्ये ४ मा फ्याक्चर रहेको छ्र जसमा जम्मा १०४८०५७ जना बिरामी रहेको छन् स्वास्थ्य संस्थामा आउने फ्याक्चर केशमध्ये प्रमुख कारण सडक दुर्घटना पनि हो्र कहिले जन्ती लिएर जादै गरेको बस दुर्घटनामा परेको, त कहिले यात्रुबाहक बस अनियन्त्रित भई सडकबाट झरेको, कहिले मापसे गरेको चालकको गल्तिले गाडी दुर्घटनामा परेको त कहिले साँघुरो बाटोका कारणले गाडी भिरबाट झरेको, कहिले झ्यालबाट टाउको बाहिर निकालेको कारणले दुर्घटनामा परेको, त कहिले हतारमा बाटो क्रस गर्न खोज्दा घटना घटेको हेडलाईन हरेक दिन पत्र पत्रिकामा देखिन्छ्र यो रोग होईन्र यो दुर्घटना हो्र कमजोर ट्राफिक व्यवस्थापन, चालकको दक्षता, सडकको गुणस्तर, सडकमा गाडीको चाप, व्यक्तिको सचेतना र ट्राफिक नियमको ज्ञान, गाडीको गुणस्तर, दुर्घटना पश्चातको आकस्मिकता व्यवस्थापन , बिमाबाट उपचार खर्च दाबी गर्ने प्रक्रियाको जटिलताको कारणले यो दुर्घटना घट्ने तथा मृत्यु समेत हुने गरेको देखिन्छ।