८ रोपनी सरकारी जग्गा हडप्न खोज्नेमाथि कारबाही माग

काठमाडौं । महानगरपालिका–५ भत्केको पुलस्थित धोबीखोलाको ८ रोपनी जग्गा अनियमित रूपमा हडप्न खोज्नेविरुद्ध कारबाही माग गर्दै अख्तियार दुरुपयोग अनुसन्धान आयोगमा उजुरी दर्ता भएको छ । भ्रष्टाचार र बेथितिविरुद्ध अभियान सञ्चालन गर्दै आएको अधिवक्ता र नागरिक अभियन्ता समूह ‘खोजी सत्य र न्याय’ नामक संस्थाले बुधबार अख्तियारमा उजुरी दर्ता गरेको हो ।

वरिष्ठ अधिवक्ता तथा संस्थाका संयोजक ध्रुवलाल श्रेष्ठ, अधिवक्ताहरू युवराज कोइराला, गणेशप्रसाद अर्याल, रामेश्वर राउत, एसके तिमिल्सिना, जगन्नाथ खनाल तथा अन्य नागरिक अभियन्ता गरी ६० भन्दा बढीले संयुक्त हस्ताक्षरसहित अख्तियारमा उजुरी दर्ता गरेका हुन् ।