पक्राउ परेका २ वडाध्यक्ष, १ शिक्षकसहित ५ जना विदाको दिनमा प्रहरीद्वारा धरौटीमा रिहा

लमजुङ । लमजुङको जिल्ला सदरमुकाम बेसीशहरमा मुख्य कार्यालय रहेको सुनौलो भविष्य सहकारी संस्थाको रकम अपचलन आर्थत ठगी मुद्दामा पक्राउ परेका दुई वडाध्यक्ष, एक शिक्षकसहित पाँच अरोपिहरू धरौटीमा रिहा भएका छन् । लमजुङको बुहचर्चित सुनौलो भविष्य सहकारीको ठगी आरोपिहरूमध्ये प्रहरीले नियन्त्रणमा लिएका दुई वडाध्यक्ष, एक शिक्षकसहित पाँच जनालाई विदाको दिनमा धरौटीमा रिहा गरेसँगै त्यस्तो खुलासा भएको छ ।

त्यसरी रिहा हुनेहरूमा बेसीशहर नगरपालिका– ११ का वडाध्यक्ष शिवप्रसाद जोशी, सुन्दरबजार नगरपालिका– ८ का वडाध्यक्ष विजेन्द्र थापा, सुन्दरबजार नगरपालिकाको सोही वडामा रहेको भक्ति आदर्श माविका प्रावि शिक्षक थकित अधिकारी(यात्री) सहित पाँच जना रहेका छन् ।