जिप्रका काठमाडौंको आदेश बदर- माइतीघर मण्डलामा आन्दोलन र प्रदर्शन गर्न पाउने

काठमाडौं । सर्वोच्च अदालतले माईतीघर मण्डला लगायतका स्थानमा आन्दोलन र प्रदर्शन गर्नबाट रोक लगाउने जिल्ला प्रशासन कार्यालय काठमाडौंको आदेश बदर गरिदिएको छ ।

सर्वोच्च अदालतका न्यायाधीशद्वय विश्वम्भरप्रसाद श्रेष्ठ र कुमार रेग्मीको संयुक्त इजलासले ‘स्थान तोकेर आन्दोलन र प्रदर्शन गर’ भन्नु संविधानमै उल्लेख गरिएको मौलिक हकविपरीतको कार्य भएको उल्लेख गर्दै जिप्रका काठमाडौंको आदेश बदर गरिदिएको हो ।