प्रतिनिधिसभा बैठकमा नबसी किन बाहिरिएका थिए प्रधानमन्त्री ओली ?

काठमाडौँ — पुस ५ गते असंवैधानिक रूपमा विघटन भएको प्रतिनिधिसभालाई सर्वोच्च अदालतले पुनःस्थापना गरेपछि आइतबार ४ बजे बैठक आह्वान गरिएको थियो । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनलाई फागुन ११ गते सर्वोच्चले १३ दिनभित्र बैठक बस्नु भनेर मिति नै तोकिदिएको थियो ।

सर्वोच्चले तोकेको म्यादको अन्तिम दिन आइतबारको प्रतिनिधिसभा बैठकमा प्रधानमन्त्री केपी शर्मा ओली भने बसेनन् ।