लमजुङमा कक्षा १२ को परीक्षामा नक्कली परीक्षार्थी

लमजुङ । लमजुङमा जारी रहेको कक्षा १२ को परीक्षामा नक्कली परीक्षार्थी फेला परेका छन् । एकजना नक्कली परीक्षार्थी र अर्का खेतालो लगाउने परीक्षार्थी दुुबै जनालाई प्रहरी नियन्त्रणमा लिएको छ ।

सुन्दरबजार नगरपालिका– ६, बरेटारस्थित आदर्श बाल माध्यमिक विद्यालय परीक्षा केन्द्रमा सञ्चालित परीक्षाको चेकजाँचको क्रममा ती नक्कली परिक्षार्थी फेला परेको जिल्ला प्रहरी कार्यालय लमजुङका सूचना अधिकारी प्रहरी निरीक्षक राजकिशोर साह तेलीले बताए । उनका अनुसार कक्षा १२ को वार्षिक परीक्षा अन्तरगत फाईनान्स विषयको परीक्षामा अर्काको नाममा परीक्षा दिन आएका एक नक्कली परीक्षार्थी पक्राउ परेका छन् ।