जगदम्बा स्टिल्सको ऋण दुरुपयोग प्रकरण : साहिल अग्रवाल र दीपक भट्टसहित चार जनाविरूद्ध ४२ करोडको मुद्दा दायर

काठमाडौँ । जगदम्बा स्टिल्स लिमिटेडले विभिन्न बैंकहरूबाट व्यावसायिक प्रयोजनका लागि लिएको ऋण व्यक्तिगत स्वार्थ र सेयर लगानीमा दुरुपयोग गरेको अभियोगमा उद्योगी साहिल अग्रवाल र व्यवसायी दीपक भट्टसहित चार जनाविरुद्ध उच्च अदालत पाटनमा मुद्दा दायर गरिएको छ।

सरकारी वकिल कार्यालयले उच्च अदालत पाटनको वाणिज्य इजलासमा दर्ता गरेको अभियोग पत्रमा जगदम्बा स्टिल्सका अध्यक्ष साहिल अग्रवाल, खाता सञ्चालकहरू सुलभ अग्रवाल र शंकरलाल अग्रवाल तथा इन्फिनिटी होल्डिङ्सका सञ्चालक दीपक भट्टलाई प्रतिवादी बनाइएको छ।