मुख्य सामग्रीमा जानुहोस्

समाचार

देश

कानुनले होइन व्यवहारले बलात्कार नियन्त्रण गर्छ

rajdhanidaily.com · Tue Jan 11 23:29:53 GMT 2022

काठमाडौंको गोंगबु क्षेत्रमा केही दिन अगाडि भएको सामूहिक बलात्कारको घटनाले राज्यलाई नै चुनौती दियो । यस घटनामा संलग्न प्रायःजसो सबै कसुरदार समयमै पक्राउ परेको भए पनि यस घटनाले हाम्रो शान्ति सुरक्षाको विद्यमान अवस्था, कानुन हातमा लिने प्रवृत्ति तथा बढ्दो अपराधिक मानसिकता चित्रित गर्छ । समष्टिगत रूपमा यस घटनाले समाजको अपराधिक प्रवत्तिलाई उजागर गरेको छ ।

व्यवस्थित रूपले राज्य सञ्चालन गर्ने र सर्वसाधारण नागरिको जीवनस्तर सहज र सुरक्षित गराउने कानुनको मुख्य उद्देश्य हो । समाजमा देखापर्ने असमान्य परिस्थितिलाई नियन्त्रण गर्न र त्यस्तो कार्य गर्नेलाई दण्ड सजायको माध्यमबाट उनीहरूको आचरणमा सुधार ल्याउन सरकारले कानुन निर्माण गरेको हुन्छ । यस परिप्रेक्ष्यमा निर्माण गर्ने मात्र होइन निर्मित कानुनलाई व्यवहारमा अक्षरशः पालन गराउने दायित्व पनि सरकारकै हो । कानुन कार्यान्वयन नभए राज्यमा अराजकता बढ्ने भएकाले सामाजिक वातावरण नै अस्तव्यस्त बन्छ ।

स्रोतमा पूरा पढ्नुहोस् (rajdhanidaily.com)