नेपाल एयरलाइन्सका ट्वीनअटर विमान पुन: नियमित उडानमा

काठमाडौँ- नेपाल वायुसेवा निगम (नेपाल एयरलाइन्स) का दुई ट्वीनअटर विमानहरू लामो समयपछि पुन: नियमित उडानमा आएका छन्। निगमका प्रवक्ता सुवास डाँगीका अनुसार कलसाइन नाइन एन–एबिटी र नाइन एन–एबीयु विमान पूर्ण रूपमा सञ्चालनमा आइसकेका हुन्।

विगत केही समयदेखि ग्राउण्डेड रहेका यी विमानहरू दुर्गम क्षेत्रका यात्रुहरूका लागि समस्याको कारण बनेका थिए। तर, नियामक निकाय तथा विमान निर्माता कम्पनीको मापदण्डअनुसार आवश्यक मर्मत सम्भार एवं नयाँ इञ्जिन प्रतिस्थापन गरेर यी विमानहरूले वैशाख २९ गतेदेखि नियमित उडान भर्न थालेका हुन्।