पहिले अवसरवादीले दिएनन्, अब गुल्मीबाटै चुनाव लड्छु : रामकुमारी झाँक्री

नेपाल कम्युनिस्ट पार्टी (एकीकृत समाजवादी) की सचिव रामकुमारी झाँक्रीले आगामी निर्वाचनमा गृहजिल्ला गुल्मीबाट लड्ने बताएकी छन्।

नवगठित पार्टी केन्द्रीय सचिवमा चयन भएको भोलिपल्ट शुक्रबार गुल्मी-काठमाडौँ सम्पर्क मञ्च भेला आयोजक कमिटीले काठमाडौंको थापागाउँमा गरेको कार्यक्रममा बोल्दै उनले अब आफ्नो निर्वाचन क्षेत्र गृहजिल्ला गुल्मी नै हुने बताइन्।