मल्कबाङमा आफ्नै घरको कामदारको हत्या

धवलागिरि गाउँपालिका–५ मल्कबाङमा आफ्नै घरको कामदारको हत्या गरेको आरोपमा एक दम्पत्ति पक्राउ परेका छन्। ४६ वर्षीय मनबहादुर दमाईको हत्या गरेको आरोपमा बलबहादुर दमाई र कर्मती दर्जीलाई पक्राउ गरिएको हो।

वैशाख २८ गते मल्कबाङको खाम्चास्थित जंगलमा मनबहादुरको शव फेला परेको थियो। प्रहरीले आज आरोपित दम्पत्तिलाई सार्वजनिक गरेको छ। अनुसन्धानमा दम्पत्तिले हत्या गरेर शव लुकाएको तथ्य खुलेको जिल्ला प्रहरी कार्यालयका प्रहरी निरीक्षक सागर पौडेलले बताए।