प्रधानन्यायाधीश जबरामाथि लगाईएको महाभियोग प्रस्तावविरुद्ध सर्वोच्चमा रिट दर्ता, कामु प्रधानन्यायाधीश कार्कीले किन राखे संवैधानिक इजलासमा ?

काठमाडौं, ११ फागुन । प्रधानन्यायाधीश चोलेन्द्र शमशेर जबराविरुद्ध दर्ता भएको महाभियोगको प्रस्ताबको विरुद्ध रिट सर्वोच्च अदालतमा दर्ता भएको छ । राणाविरुद्ध महाभियोग दर्ता हुनेबित्तिकै अहिले उनी निलम्बनमा छन् । राणाको विरुद्धमा दर्ता भएको महाभियोगको विरुद्धमा स्वतन्त्र कानून व्यवसायीहरुद्वारा दायर गरिएको रिट आज दर्ता भएको छ। गत आइतबार दर्ता भएको महाभियोगको प्रस्ताबको विरुद्धमा अन्तरिम आदेशसहित उत्प्रेषण, परमादेशलगायत अन्य उपयुक्त आदेश जारी गरी पाउँ भनि दायर भएको रिट संवैधानिक इजलासमा दर्ता भएको हो।

विगतमा पनि तत्कालिन प्रधानन्यायाधीश सुशीला कार्कीउपर बिभिन्न आरोप लगाई प्रतिनिधिसभामा महाभियोगको प्रस्ताव दर्ता भएको थियो र सो उपर अधिवक्ता सुनिलरञ्जन सिंह समेतले व्यवस्थापिका संसदसमेतलाई प्रत्यर्थी बनाई दायर गरेको रिटमा चोलेन्द्र राणाको एकल इजलाशले सुनुवाई गर्दै अन्तरिम आदेश दिएको थियो।