नानिचा याःको दिन महिलाले रथ तानेसँगै इन्द्रजात्रा सकिय

काठमाडौं । उपत्यकामा सात दिनयता चल्दै आएको इन्द्रजात्रा अर्थात् ये“याः सोमबार नानिचा याःको दिन महिलाले रथ तानेसँगै सकिएको छ । असोज ९ गते मंगलबार शुरू भएको जात्राको अन्तिम दिन वसन्तपुर हनुमानढोकास्थित कुमारीघरदेखि नरदेवी हुँदै इन्द्रचोकतर्फ कुमारीको रथ तानिएको थियो । जात्राको अन्तिम दिन विधिपूर्वक कुमारी र अन्य देवीदेवताको पूजाआजा गरिएको थियो ।

जात्राको अन्तिम दिन राति ९ बजे राष्ट्रपति रामचन्द्र पौडेल कुमारीको हातबाट टीका ग्रहण गर्न पुग्नुभएको थियो । वसन्तपुर क्षेत्रमा २९ गुठीले विभिन्न थरीका नाच र पर्वको आयोजना गरेका थिए । हनुमानढोकास्थित किलागलबाट शुरू भएको कुमारीको रथयात्रा लाखे, पुलुकिसी, सवाभकु (हल्चोक आकाश भैरव) को नाचगानसहित वसन्तपुर, जैसीदेवल, कोहिटी, भीमसेनस्थान, मरुटोल, नरदेवी, टंगाल, असन, इन्द्रचोक, हनुमानढोकालगायत ठाउ“मा परिक्रमा गराइएको थियो ।