कोशी प्रदेश सरकारः पहिलोपटक धारा १६८ (५) प्रयोग हुँदै

इटहरी । कोशी प्रदेशसभाको दोस्रो कार्यकाल सुरु भएको १० महिनामा पाँचौपटक मुख्यमन्त्री फेरिने भएका छन् । कोशी प्रदेशसभाको दोस्रो कार्यकालमा चौथोपटक मुख्यमन्त्री बनेका एमाले संसदीय दलका नेता हिक्मत कार्कीले शनिबार राजीनामा दिएसँगै पाँचौं मुख्यमन्त्रीको रस्साकस्सी सुरु भएको छ ।

पाँचौ मुख्यमन्त्री भने संविधानको धारा १६८ (५) अनुसार बन्ने छ । प्रदेशको इतिहासमै धारा १६८ (५) प्रयोग हुन थालेको यो पहिलोपटक हो ।