सभापति लामिछानेलाई जग्गा विवरण र बैंक स्टेटमेन्ट मगाएर अनुसन्धान

सहकारी ठगी प्रकरणमा अनुसन्धानका लागि पक्राउ परेका राष्ट्रिय स्वतन्त्र पार्टीका सभापति रवि लामिछानेलाई मंगलबार अदालतमा उपस्थित गराउँदा दिनैभरि पोखरा तनावग्रस्त बन्यो ।

२ कात्तिकमा काठमाडौं पक्राउ गरेर पोखरा ल्याइएका लामिछानेलाई मंगलबार तेस्रो पटक अदालतमा उपस्थित गराइएको हो । रविसँगै गोर्खा मिडियाका पूर्वसञ्चालक तथा उपाध्यक्ष छविलाल जोशी, लिला पछाइ र जीबीका साझेदार नेचर हब्र्सका सञ्चालक रामबहादुर खनाललाई अदालतमा उपस्थित गराइएको थियो । उनीहरु सबैलाई १० दिन हिरासतमा राखेर अनुसन्धान गर्न अदालतले अनुमति दिएको छ ।