भदौ २३ मा व्यक्ति तोकेर कार्वाही किटान गरेको कार्की आयोग भदौ २४ बारे लल्याकलुलुक, ओलीको व्याख्या गर्दा बालेनबारे मौन

काठमाडौंः भदौ २३ र २४ मा भएको जेन–जी आन्दोलनको घटनाका विषयमा छानबिनका लागि गौरी बहादुर कार्कीको संयोजकत्वमा बनेको छानबिन आयोगको प्रतिवेदनमा भदौ २३ बारे प्रधानमन्त्रीदेखि फिल्डमा खटिएका सुरक्षाकर्मीको भुमिकासम्मबारे विस्तृत उल्लेख गर्दै कानुनको दफा नै उल्लेख गरेर कार्वाहीको सिफारिस छ। तर आयोगले विध्वंसात्मक भनेर स्वीकार गरेको भदौ २४ को घटनाबारे भने कसैमाथि कार्वाहीको सिफारिस गरेको छैन।

भदौ २३ को घटनामा तत्कालीन प्रधानमन्त्री केपी शर्मा ओली, गृहमन्त्री रमेश लेखक र प्रहरी महानिरीक्षक चन्द्र कुबेर खापुङसम्मको पदीय जिम्मेवारी र दायित्वको व्याख्या गर्दै जघन्यमा कार्वाही सिफारिस गरेको छ।