गुण्डु क्षेत्रमा बढाइयो सुरक्षा निगरानी

काठमाडौँ । नवनियुक्त प्रधानमन्त्री बालेन्द्र शाह नेतृत्वको मन्त्रिपरिषद्को पहिलो बैठकले गौरीबहादुर कार्की आयोगको प्रतिवेदन कार्यान्वयन गर्ने निर्णय गरेसँगै काठमाडौँ उपत्यकाको सुरक्षा व्यवस्थालाई अत्यन्त पारिएको छ । सरकारको यो निर्णयपछि उत्पन्न हुन सक्ने सम्भावित सुरक्षा चुनौतीलाई मध्यनजर गर्दै नेकपा एमालेका अध्यक्ष एवं पूर्वप्रधानमन्त्री केपी शर्मा ओलीको निवास रहेको गुण्डु क्षेत्रमा सुरक्षा निगरानी बढाइएको छ भने सुरक्षा निकायहरूलाई ‘हाई अलर्ट’ मा राखिएको छ ।

उच्च सुरक्षा स्रोतका अनुसार, ओली र रमेश लेखकलाई पक्राउ गर्ने विषयमा प्रहरीमा गम्भीर छलफल भए पनि हालसम्म कुनै ठोस निष्कर्ष भने निस्किसकेको छैन । यद्यपि, गुण्डुस्थित ओली निवास आसपासको सुरक्षा सतर्कता र निगरानीलाई भने उल्लेख्य रूपमा बढाइएको छ ।