गन्तव्य युरोप, भिजिट भिसामार्फत दुबई

काठमाडौँ । दाङका प्रमोद थारू (नाम परिवर्तन) दुबई पुगे । नेपालबाट पर्यटक (भिजिट) भिसामार्फत उनी दुबई पुगेका थिए । उनी दुबई जानुको उद्देश्य भने पोर्चुगल पुग्ने योजना अन्तर्गत थियो ।

प्रमोदका एक जना आफन्त वैदेशिक रोजगारीका लागि विगत ५ वर्षदेखि दुबईमै छन् । ती आफन्त मार्फत नै उनी भिजिट भिसामा दुबई पुगेका थिए । उनलाई त्यहाँ जाँदा ६ महिना जति दुबईमै काम गर्नुपर्छ, अनि पोर्चुगल जान सकिन्छ भनिएको थियो ।