बंगलादेशमा हिन्दुमाथि भइरहेको आक्रमणविरुद्ध वीरगंजमा हिन्दु युवाको प्रदर्शन

वीरगंज : बंगलादेशमा अल्पसंख्यकको रुपमा रहेका हिन्दुमाथि भइरहेको आक्रमणको विरोधमा विश्व हिन्दु परिषद् नेपाल पर्साले बंगलादेशी प्रधानमन्त्री शेख हसिनाको पुतला दहन गरेको छ। बंगलादेशमा निरन्तर हिन्दुमाथि आक्रमण तथा हिन्दुहरुको आस्थाको केन्द्रको रुपमा रहेको मठमन्दिरमा तोडफोड तथा आगजानी गरेपनि आरोपित मुस्लिमलाई कारबाही नगरेको भन्दै उनको विरोध गर्दै वीरगंजको घण्टाघर चोकमा पुतला दहन गरिएको हो।

हिन्दुमाथि भएको घटनाप्रति आक्रोशित परिषद् तथा हिन्दु समाजका युवाहरुले हसिनाविरुद्ध प्रदर्शन गर्दै बंगलादेशी हिन्दुलाई न्याय तथा दोषी मुस्लिमलाई कडा कारबाही गर्नुपर्ने मागसहित निकालेको विरोध जुलुसले नगर परिक्रममा गरेको थियो। माईस्थानबाट निकालिएको विरोध जुलुस, आर्दशनगर, अलखियामठ, घडिअर्वा हुदै घण्टाघर चोकमा विरोध जुलुस पुगेर बंगलादेशी प्रधानमन्त्री हसिनाको पुतला दहन गरेका हुन्।