एसिसी एसिया कप : भारतसँग नेपाल १० विकेटले पराजित

एसिसी एसिया कपमा नेपाल भारतसँग १० विकेटले पराजित भएको छ । श्रीलंकाको पालेकले अन्तर्राष्ट्रिय क्रिकेट रंगशालामा सोमबार सम्पन्न खेलमा नेपाल डकवर्थ लुइस पद्धतिको आधारमा भारतसँग १० विकेटले पराजित भएको हो ।

नेपाल यसअघिको खेलमा पाकिस्तानसँग पराजित भएको थियो । दुवै खेलमा पराजित नेपाल अंकविहीन बन्यो । आजको जितसँगै दुई खेलमा तीन अंक जोडेको भारतले समूह ‘ए’ बाट सुपर चारमा स्थान बनायो ।