पशुपति क्षेत्रमा हत्या गरी फरार भएका अभियुक्त महोत्तरीबाट पक्राउ

काठमाडौं महानगरपालिका-८ पशुपतिस्थित १५ नम्बर शिवालयमा भएको हत्या घटनामा संलग्न एक अभियुक्तलाई प्रहरीले महोत्तरीबाट पक्राउ गरेको छ।

काठमाडौं उपत्यका अपराध अनुसन्धान कार्यालयका प्रमुख सन्तोष खड्काका अनुसार गत फागुन ६ गते पशुपतिको शिवालयमा संखुवासभा घर भएका सन्तोष गिरी भन्ने सन्तोष परियार मृत अवस्थामा फेला परेका थिए। घटनाको अनुसन्धान गर्दै जाँदा हत्यामा संलग्नता खुलेका धादिङ त्रिपुरासुन्दरी गाउँपालिका-५ घर भएका दर्बेनाथ भन्ने सुविन रानामगर फरार रहेका थिए।