गोलीकाण्डका फरार अभियुक्त कर्णबहादुर विष्टलाई पक्राउ

धनगढी- बैतडीको दोगडाकेदार गाउँपालिका–८ कालागाउँमा भएको गोलीकाण्डका फरार अभियुक्त कर्णबहादुर विष्टलाई प्रहरीले पक्राउ गरेको छ। ४५ वर्षीय विष्टलाई भारतको धारचुलाबाट शुक्रवार दिउँसो नियन्त्रणमा लिइएको प्रहरीले जनाएको छ ।

उनले गत शनिवार भाइ नाता पर्ने २५ वर्षीय सुरेन्द्र विष्टमाथि गोली प्रहार गरी हत्या गरेका थिए। घटनापछि बन्दुकसहित फरार रहेका कर्णबहादुरलाई प्रहरीले मोबाइल लोकेसनको आधारमा ट्र्याक गरी नियन्त्रणमा लिएको हो।