शीतल निवास छिरेका रामचन्द्रको हुलियाबारे चर्चा, गालाको कोठी कसले मेटायो ?

काठमाडौँ । सोमबार शीतलनिवासमा पद तथा गोपनीयताको शपथलगत्तै राष्ट्रपति कार्यालयले राष्ट्रपति रामचन्द्र पौडेलको नयाँ तस्बिर आफ्नो वेबसाइटमा अपलोड गर्यो । निवर्तमान राष्ट्रपति विद्यादेवी भण्डारीको तस्बिर हटाउँदै राष्ट्रपति कार्यालयले आफ्नो वेवसाइटमा अपलोड गरेको पौडेलको तस्बिरका बारेमा यतिबेला सामाजिक सञ्जलामा विभिन्न टिकाटिप्पणी भइरहेको छ ।

प्रसंग हो, राष्ट्रपतिको गालामा रहेको कोठी गायव भएको विषय । पौडेलको दुबै गालामा रहेको कोठी शीतलनिवासको वेबसाइटमा अपलोड गरेको तस्बिरमा देखिँदैन । अर्थात पौडेलको हुलिया नै परिवर्तन हुनेगरी अनावश्यक रुपमा तस्बिर सम्पादन गरेर वेबसाइटमा अपलोड गरिएको हो ।