अप्रेसन ‘फोक्सट्रोट चार्ली’मा समातिए कांग्रेस सांसद शर्मा

काठमाडौं । नेपाली कांग्रेसका सांसद डा. सुनिल शर्मालाई शैक्षिक प्रमाणपत्र किर्ते गरेको अभियोगमा प्रहरीले पक्राउ गरेको छ । मोरङ क्षेत्र नम्बर ३ बाट निर्वाचित सांसद शर्मालाई प्लस टुको शैक्षिक प्रमाणपत्र किर्ते गरेको आरोपमा बिहीबार दिउँसो केन्द्रीय अनुसन्धान ब्युरो (सिआइबी)को टोलीले काठमाडौंको टोखा क्षेत्रबाट पक्राउ गरेको हो ।

प्रहरी प्रवक्ता तथा डिआइजी कुवेर कडायतले प्रतिनिधिसभा सदस्य डा. शर्मालाई शैक्षिक प्रमाणपत्र किर्ते गरेको पाइएपछि पक्राउ गरिएको बताए । ‘उहाँले शैक्षिक प्रमाणपत्र किर्ते गरेको देखियो,’ कडायतले भने, ‘डा. शर्मासहित तीन जनालाई पक्राउ गरिएको छ ।’