तीन टुक्रा भयो एनआरएनए, आरके शर्माको नेतृत्वमा नयाँ कमिटी घोषणा

‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेका २४ घण्टाका मुख्यमुख्य घटनाक्रमसहित उपस्थित भएका छौँ–

आरके शर्माको नेतृत्वमा कांग्रेस र माओवादी निकट गैरआवासीय नेपालीहरुले समानान्तर रुपमा नयाँ कमिटी घोषणा गरेसँगै गैरआवासीय नेपाली संघ (एनआरएनए) तीन टुक्रा बनेको छ । शनिबार बद्री केसीले विवादका बीच अध्यक्षको शपथ लिएसँगै असन्तुष्ट समूहले पनि आफूहरु नै आधिकारिक भएको दाबी गर्दै नयाँ कमिटी घोषणा गरेको हो ।