लोकप्रिय एप्समार्फत २४ घण्टा ट्र्याक : प्रयोगकर्ताको गोपनीयता संकटमा, बच्न अपनाउनुहोस् यस्ता उपायहरू

काठमाडौं । स्मार्टफोन आज हाम्रो जीवनको एक महत्वपूर्ण हिस्सा बनेको छ । यसले हाम्रा थुप्रै काम सजिलो बनाइदिएको छ । फरक–फरक कामका लागि तपाईँ आफ्नो रोजाइका एपहरू पनि यस डिभाइसमा इन्स्टल गर्न सक्नुहुन्छ, तर के तपाईँलाई थाहा छ तपाईँको डिभाइसमा भएका यी एपहरू तपाईँलाई २४ घण्टा ट्र्याक गर्दैछन् ?

भर्खरै सार्वजनिक भएको अनुसन्धान फर्म एप्टेको रिपोर्टले यसबारे जानकारी दिएको छ जसले प्रयोगकर्ताहरूको चिन्ता अझै बढाइदिएको छ । रिपोर्टमा भनिएको छ कि यी एपहरूले तपाईँको सेनसिटिभ डेटा सङ्कलन गरिरहेका छन् र यसमा फेसबुक, इन्स्टाग्राम र थ्रेड्स जस्ता एपहरू छन् ।