‘द एलिफेन्ट्स’ र दक्षिण अमेरिकी ‘डार्क हर्स’ को टक्कर

फिफा विश्वकप २०२६ अन्तर्गत समूह ‘ई’ को दोस्रो खेलमा फिलाडेल्फिया स्टेडियममा एउटा कडा प्रतिस्पर्धात्मक भिडन्त हुँदैछ । जहाँ सन् २०१४ पछि पहिलो पटक विश्वकपमा पुनरागमन गरेको अपÞ्रmीकी राष्ट्र आइभोरी कोस्ट र दक्षिण अमेरिकी पावरहाउस इक्वेडर आमनेसामने हुँदैछन् ।

जर्मनी र कुराकाओ समेत रहेको यस समूहमा नकआउट चरणको बलियो सम्भावना बोकेका यी दुवै टोलीका लागि सुखद सुरुआत गर्नु निकै महत्वपूर्ण छ । मुख्य प्रशिक्षक इमर्स फाए को नेतृत्वमा भर्खरै अभ्यास खेलमा फ्रान्स जस्तो बलियो टोलीलाई २–१ ले हराएर उच्च मनोबलका साथ मैदान उत्रन लागेको आइभोरी कोस्ट (द एलिफेन्ट्स) का लागि लिभरपुलको नजरमा रहेका यान डियोमान्डे र अमाद डियालो जस्ता खेलाडीहरूको विंग्स आक्रमण मुख्य हतियार हुनेछ । यद्यपि टोलीका प्रमुख डिफेन्डर इभान एनडिका चोटका कारण मैदान बाहिर रहनु उनीहरूका लागि टाउको दुखाइ बनेको छ ।