७ हजार सामुदायिक विद्यालय निर्माण

काठमाडौं । सरकारले भूकम्पबाट क्षति पुगेका ७ हजार बढी समुदायिक विद्यालयको पुनर्निर्माण गरेको छ । गत २०७२ सालको भूकम्पबाट क्षति पुगेका विद्यालयमध्ये सरकारले ७ हजार २ सय ७२ वटा विद्यालयका निर्माण सम्पन्न गरेको हो ।

शिक्षा विज्ञान तथा प्रविधि मन्त्रालयले गत एक वर्षमा सामुदायिक विद्यालयमा करिब ६ हजार कक्षाकोठा निर्माण गरेको जनाएको छ । मन्त्रालयले गत २०७२ सालको भूकम्पबाट क्षति भएका ७ हजार ५ सय ८३ ओटा विद्यालयमध्ये गत आर्थिक वर्षमा थप ६ सय ६१ वटा विद्यालयको निर्माण कार्य सम्पन्न गरेको हो । योसँगै हालसम्म ७ हजार २ सय ७२ वटा विद्यालयका निर्माण सम्पन्न भएका हुन् ।