असई विक हत्या प्रकरण: देवेन्द्र चौधरी कारागार चलान

मधेस आन्दोलनका क्रममा सशस्त्र प्रहरीका सहायक निरीक्षक (असई) थमन विकको हत्यामा संलग्न रहेको आरोपमा पक्राउ परेका देवेन्द्र चौधरीलाई पुर्पक्षका लागि कारागार चलान गरिएको छ।

जिल्ला अदालत महोत्तरीका न्यायाधीश फणेश्वरी घिमिरेको इजलासले बिहीबार चौधरीलाई पुर्पक्षका लागि कारागार पठाउने आदेश दिएको हो। अदालतका सूचना अधिकारी केदारनाथ झाले चौधरीलाई जलेश्वर कारागारमा पठाइएको जानकारी दिए।