विश्वकप फुटबल : जापानद्वारा नेदरल्याण्ड्ससँग रोमान्चक बराबरी

विश्वकप फुटबल २०२६ अन्तर्गत समूह 'एफ' को रोमाञ्चक खेलमा जापानले बलियो प्रतिद्वन्द्वी नेदरल्याण्ड्सलाई २-२ गोलको बराबरीमा रोकेको छ।

डलासस्थित एटी एण्ड टी स्टेडियममा सोमबार बिहान भएको खेलमा जापानले दुई पटकसम्म पछि परेको स्थिति उल्टाउँदै उत्कृष्ट पुनरागमन गरेको हो। जापानका लागि खेलको ८८ औं मिनेटमा डाइची कामदाले गरेको बराबरी गोल निर्णायक बन्यो। कोकी ओगावाको कर्नर किकमा कामदाले प्रहार गरेको बल डिफ्लेक्ट हुँदै डच गोलकिपर बार्ट भरब्रुगेनलाई छलाएर नेटमा छिरेपछि जापान हारबाट जोगियो।