एकै महिनामा २३ सयभन्दा बढी फरार प्रतिवादी र ४० जना अवैध हतियारधारी प्रहरी फन्दामा

काठमाडौँ । नेपाल प्रहरीले गत वैशाख महिनामा देशव्यापी रूपमा सञ्चालन गरेको विशेष अभियानका क्रममा विभिन्न मुद्दाका २ हजार ३ सय १९ जना फरार प्रतिवादीहरूलाई पक्राउ गरेको छ ।

अदालतबाट दोषी ठहर भई सजाय भुक्तान गर्न बाँकी रहेका तथा लामो समयदेखि कानुनको आँखा छलेर फरार रहेका अपराधीहरूलाई प्रहरीले पक्राउ गरी कानुनी दायरामा ल्याएको हो ।