कांग्रेसको निशानामा थपियो एमाले

काठमाडौँ । नेपाली कांग्रेसले राष्ट्रपति रामचन्द्र पौडेललाई आगामी आर्थिक वर्षको नीति तथा कार्यक्रम प्रस्तुत गर्न दिएपनि त्यसपछि संसद बैठकमा जारी अवरोधलाई निरन्तरता नै दिएको छ । बरु कांग्रेसले संसदमा उठाउँदै आएको आफ्नो एजेण्डा थप गरेको छ ।

यसअघि सहकारी ठगीको विषयमा संसदीय छानबिन समितिको माग गर्दै आएको कांग्रेसले गिरीबन्धु टी–स्टेटको जग्गा विवादसम्बन्धी विषयलाई पनि उठाउने भएको हो । सो विवादमा एमाले र सो पार्टीका अध्यक्ष केपी ओली जोडिएका छन् ।