बुद्ध एयरका कार्यकारी अध्यक्ष बस्नेत न्याय माग्दै अदालत पुगे

काठमाडौं । बुद्ध एयरको सेयरमा आफ्नो आधा हिस्साको दाबी गर्दै आएका शिवेन्द्र बस्नेतले गोली हानेर ज्यान लिने योजना बनाएको दाबी गर्दै बुद्ध एयरका कार्यकारी अध्यक्ष वीरेन्द्रबहादुर बस्नेत जिउधनको रक्षाको माग गर्दै अदालत पुगेका छन् ।

आफ्नै भाइ शिवेन्द्रबहादुरले गोली हानेर ज्यान लिनेसम्मको योजना बनाएको विषयमा जिल्ला प्रशासन कार्यालय मोरङ र जिल्ला प्रहरी कार्यालय मोरङमा उजुरी दिँदा पनि छानबिन नभएपछि बुद्ध एयरका अध्यक्ष बस्नेत अदालत पुगेका हुन् । अध्यक्ष बस्नेतले दर्ता गरेको उजुरी छानबिन गर्नुपर्नेमा जिम्मेवार प्रहरी र प्रशासनले बेवास्ता गरेपछि उनीहरूलाई पनि विपक्षी बनाएर उच्च अदालतमा मुद्दा दर्ता भएको छ ।