६० किलो सुन तस्करी प्रकरण: अनुसन्धानमा सीआईबीले देखेका पाटा

काठमाडौं । ६० किलो सुन तस्करी प्रकरणको अनुसन्धान गरेको नेपाल प्रहरीको केन्द्रीय अनुसन्धान ब्युरो (सीआईबी)ले ब्रेक सु र अन्य इलेक्ट्रिक समानमा लुकाएर ३२ क्लिन्टल सुन तस्करी भएको निष्कर्षसहितको ५६२ पृष्ठ लामो प्रतिवेदन आइतबार बेलुका अबेर सरकारी वकिलको कार्यालयमा बुझाएको छ ।

यसअघि ३१ असोज २०८० मा ६० किलो सुन तस्करी प्रकरणमा सीआईबीले २४ जनालाई प्रतिवादी बनाउँदै जिल्ला अदालत काठमाडौंमा एउटा मुद्दा दायर गरेको थियो । जिल्ला सरकारी वकिल कार्यालय काठमाडौंका प्रमुख सन्देश श्रेष्ठका अनुसार, सीआईबीले बुझाएको पछिल्लो प्रतिवेदनमा थप अध्ययन गरी मंगलबार पूरक अभियोगपत्र पेस गरिनेछ ।