१४ किलो सुन तस्करी प्रकरण: आठ जना पुर्पक्षका लागि थुनामा

काठमाडौं । जिल्ला अदालत काठमाडौंले १४ किलो सुन तस्करी प्रकरणमा पक्राउ परेका आठ जनालाई पुर्पक्षका लागि थुनामा पठाउने आदेश गरेको छ ।

जिल्ला अदालत काठमाडौंका न्यायाधीश शंकरबहादुर राईको इजलासले सबै प्रतिवादीलाई पुर्पक्षका लागि थुनामा पठाउन आदेश दिएको हो । यस मुद्दामा दुई जना फरार रहेका छन् । दुबईबाट १४ किलो सुन लिएर आएका गोरखाका चन्द्र घलेलाई पक्राउ गरेपछि थप तस्करी’bout खुलेको थियो । विमानस्थल भन्सार कार्यालयले अनुसन्धानका क्रममा यस समूहले १ सय ३८ किलो सुन तस्करी गरेको भन्दै सोहीबराबर बिगो र जरिमाना दाबी गरेको छ ।