सरकारकाे हतास मनोविज्ञान, दुई दिनमै निषेधाज्ञाका चार निर्देशन

जिल्ला प्रशासन कार्यालय, काठमाडौं र ललितपुरले दुई दिनमा जारी गरेको निषेधाज्ञा सम्बन्धी चार वटा आदेश असंवैधानिक, स्वेच्छाचारी तथा बदनियतपूर्ण रहेको जानकारहरू बताउँछन्।

जिल्ला प्रशासन कार्यालय (जिप्रका), काठमाडौंले मंसीर ५ गते निषेधाज्ञा सम्बन्धी आदेश र विज्ञप्ती जारी गर्यो। काठमाडौंका प्रमुख जिल्ला अधिकारी (प्रजिअ) जितेन्द्र बस्नेताद्वारा हस्ताक्षरित आदेश मा राष्ट्रपति कार्यालय (शीतल निवास) र प्रधानमन्त्रीको बालुवाटारस्थित सरकारी निवास वरिपरी भेला, नारा जुलुस, प्रदर्शन, धर्ना, घेराउ, अनशन, सभा जस्ता आन्दोलन वा विरोधका कार्यक्रम गर्न रोक लगाइएको छ।