पाटे बाघ

शक्तिशाली र आकर्षक प्राणी पाटे बाघ मुख्य रूपमा दक्षिण एशियामा पाइन्छ। हाम्रो देशमा पाटे बाघलाई विशेष महत्व दिइन्छ, किनभने यो जैविक विविधता र पर्यावरणीय सन्तुलनको सूचक पनि हो। बाघ, एसियाली मुलुकका भारत र बङ्गलादेश जस्ता राष्ट्रको राष्ट्रिय जनावर पनि हो । “बाघ” भन्नाले शक्ती र साहषको प्रतिक पनि हो । हिन्दु धर्ममा बाघलाई देवी दुर्गाको वाहनको रूपमा पूजा गरिन्छ ।

चितवन राष्ट्रिय निकुञ्ज ,बर्दिया राष्ट्रिय निकुञ्ज ,शुक्लाफाँटा राष्ट्रिय निकुञ्ज ,पर्सा वन्यजन्तु आरक्षण र बाँके राष्ट्रिय निकुञ्ज लगायत नेपालका तराई क्षेत्रका राष्ट्रिय निकुञ्जहरू यसको मुख्य बासस्थान हुन्। नेशनल टाइगर सर्वेको अनुसार सन् २००९ मा १२१ वटा पाटे बाघ गणना गरिएको हाम्रो नेपालमा सन् २०२२ मा ३५० भन्दा धेरै बाघहरू छन् । नेपाल बाघको जनसंख्यामा यसरी उल्लेखनीय वृद्धि गर्ने उदाहरणीय देश बनेको छ।