अन्तर्राष्ट्रिय परिवार रेमिटेयान्स दिवस

परदेशमा बग्ने प्रत्येक थोपा पसिना र घरदेशमा हास्ने प्रत्येक ओठको खुशीसँग जोडिएको एउटा महत्त्वपूर्ण कडी हो, रेमिट्यान्स (विप्रेषण)। आज जुन १६, अर्थात् 'अन्तर्राष्ट्रिय पारिवारिक विप्रेषण दिवस'। आफ्नो परिवारको सुखद भविष्यका लागि जन्मभूमि छोडी पराई मुलुकमा अहोरात्र खट्ने सम्पूर्ण श्रमजीवी नेपाली दाजुभाइ तथा दिदीबहिनीहरू प्रति आदर र कृतज्ञता प्रकट गर्ने विशेष दिन। विगत दुई दशक (२० वर्ष) को अवधिमा विश्वभरि नै रेमिट्यान्स प्रवाहमा अभूतपूर्व वृद्धि भएको छ। तथ्याङ्क हेर्ने हो भने, यो अवधिमा विश्वव्यापी विप्रेषण प्रवाह पाँच गुणाले बढेको देखिन्छ।

विश्वले भोग्ने साना-ठुला आर्थिक मन्दी वा महामारीका समयमा पनि रेमिट्यान्सको प्रवाह कहिल्यै रोकिँदैन। किनकि, आप्रवासी कामदारहरू जस्तोसुकै कठिन परिस्थितिमा पनि आफ्नो परिवारलाई आर्थिक सुरक्षा दिन सीमापारि आफ्नो मेहेनत जारी राख्छन्। प्रविधिको बढ्दो विकास र अवसरको खोजीमा बिदेसिने युवाहरूको सङ्ख्यासँगै कम विकसित र कम आय भएका देशहरूमा रेमिट्यान्सको महत्त्व झन् बढेको छ। आधुनिक समयमा यसरी पठाइने रेमिट्यान्समा अधिकांश हिस्सा मोबाइल ट्रान्सफर (डिजिटल माध्यम) ले ओगटेको पाइन्छ।

नेपालको अर्थतन्त्रलाई गतिशिल बनाउने मुख्य मेरुदण्ड नै रेमिट्यान्स हो। नेपालमा विगतमा अनौपचारिक रूपमा 'हुन्डी' मार्फत रकम पठाउने चलन निकै व्याप्त थियो, जुन आज पनि पूर्ण रूपमा अन्त्य भइसकेको छैन। तर, पछिल्लो समय रेमिट्यान्स कम्पनीहरू र वित्तीय सेवा प्रदायकहरूको बढ्दो पहुँचका कारण औपचारिक (कानुनी) माध्यम बाट देशमा पैसा पठाउने संस्कृति उत्साहजनक रूपमा बढ्दो छ।

हुन्डीमार्फत पठाइएको रकम सुरक्षित हुँदैन र यसले नेपालको राष्ट्रिय कोषमा विदेशी मुद्रा आर्जन गराउँदैन। त्यसैले, देशको विकास र आफ्नो रकमको सुरक्षाका लागि सधैँ बैंकिङ वा कानुनी माध्यम मात्र रोज्नु बुद्धिमानी हुन्छ। नेपालमा रेमिट्यान्स कारोबारलाई अझ सरल, सुरक्षित र सुलभ बनाउने पवित्र उद्देश्यका साथ हामीले 'हाम्रो पात्रो रेमिट' सेवाको सुरुवात गरेका थियौँ।

आज यस विशेष दिवसको अवसरमा, हाम्रो पात्रो रेमिटलाई विश्वास गर्नुहुने, यसको हिस्सा बन्नुहुने र "नेपाल पैसा पठाउने सबैभन्दा राम्रो र भरपर्दो माध्यम" का रूपमा स्थापित गरिदिनुहुने हाम्रा सम्पूर्ण आदरणीय प्रयोगकर्ता, प्रवासी नेपालीहरू र सरोकारवालाहरूमा हृदयदेखि नै अनेक-अनेक धन्यवाद तथा आभार प्रकट गर्दछौँ। तपाईंको यो अटुट विश्वास नै हाम्रो सबैभन्दा ठुलो ऊर्जा हो।

रेमिट्यान्स अर्थात् विप्रेषणको सही सदुपयोग गरौँ, कानुनी माध्यमबाट मात्र पैसा पठाऔँ। आफ्नो सुख-चैन त्यागेर परदेशबाट देश धान्ने ती प्यारा परिवारका सदस्यहरूको कदर गरौँ र उनीहरूको पसिनाको सम्मान गरौँ।

अन्तर्राष्ट्रिय पारिवारिक विप्रेषण दिवसको सबैमा हार्दिक शुभकामना!