वृष

इ, उ, ए, ओ, वा, वि, वु, वे, वो

आर्थिक पक्षलाई व्यवस्थित बनाउने सोचले यो महिना प्राथमिकता पाउनेछ। आम्दानी र खर्चबीच सन्तुलन कायम गर्न सके व्यवहारिक सन्तुलन रहला। वैदेशिक शुभ समाचार प्राप्त हुने सम्भावना छ। व्यापारमा ग्राहकबाट लाभहुने संकेत देखिएको छ। लगानीको अवसर आए पनि राम्रोसँग बुझेर मात्र निर्णय लिनुहोस्। परिवारमा कुनै सदस्यको प्रगतिले खुसीको वातावरण बनाउनेछ। घरमा निर्माण सम्बन्धमा पारिवारिक छलफल होला। प्रेम सम्बन्धमा मनमा रहेको कुरा व्यक्त गर्ने अवसर मिल्नेछ। नयाँ परिचय विस्तारै आत्मीय सम्बन्धमा बदलिन सक्छ। दाम्पत्य जीवनमा चलिरहेको मतभेदलाई संवादबाट समाधान गर्न सकिनेछ। व्यवहारिक काम गर्ने शैली परिवर्तन गर्ने अवसर मिल्ने योग छ। नयाँ जिम्मेवारीसँगै सीप विकासको बाटो खुल्नेछ। गणितीय कठिन विषयमा पनि राम्रो पकड बनाउन सक्ने समय छ। छोटो यात्राले नयाँ अनुभव दिलाउनेछ। आफन्तको सुझावले कुनै व्यक्तिगत समस्या समाधान गर्न मद्दत गर्नेछ। खानपानमा लापरवाही गर्दा सामान्य स्वास्थ्य समस्या आउन सक्छ। महिनाको अन्त्यतिर भविष्यसँग जोडिएको महत्वपूर्ण निर्णय लिनुपर्ने अवस्था आउन सक्छ।