तुला

रा, रि, रु, रे, रो, ता, ति, तु, ते

​कार्तिक महिनाको आरम्भ नै तपाईंको साङ्गीतिक तथा रचनात्मक क्षमतालाई नयाँ उचाइमा पुर्‍याउने वातावरण बन्नेछ। कला वा सिर्जनात्मक क्षेत्रमा रुचि राख्नेहरूका लागि यो महिना सुवर्ण अवसर बनेर आएको छ। नयाँ योजनाहरूको थालनी गर्नका लागि समय अनुकूल रहनेछ। समाजमा तपाईंको मिजासिलो बानीले मान-प्रतिष्ठा अझ बढाउनेछ। ​महिनाको मध्यभागमा आइपुग्दा व्यापार वा व्यवसायमा थप पुँजी लगानी गर्नुपर्ने परिस्थिति आउन सक्छ त्यसैले कुनै पनि ठूलो कदम चाल्नुअघि राम्ररी सोचेर बुझेर मात्र अगाडि बढ्नुहोस्। मनमा एकाग्रता कायम राख्न र मानसिक तनावबाट बच्नका लागि योग तथा ध्यानको सहारा लिनु उपयुक्त हुनेछ। ​त्यसपछि महिनाको अन्त्य तिर आफ्नो चाहना अनुसार नयाँ भौतिक वस्तु, सवारी साधन वा लत्ताकपडा खरिद गर्ने राम्रो अवसर जुट्नेछ।